तू प्यार रहण दें, सरकार की भक्ति कर लें / नवीन रमण

Gadya Kosh से
यहाँ जाएँ: भ्रमण, खोज

विशाल और कोमल

हाय विशाल

मन्नै नहीं बेरा था तेरी इतनी घटिया पसन्द बी हो सकै सै। बता तन्नै सुधीर चौधरी पसन्द सै। फेर तो छी न्यूज भी पसन्द होगा। फेर तो तू इसी ए इज्जत करता होगा लुगाइयाँ की जीसी तेरा सुधीर चौधरी करै सै। हे राम! मैं तो कदे सोच बी कोणी सकूँ थी। अक तू बी भक्त लिकड़ ज्यागा। चलो कोई नहीं बेरा तो लाग ग्या इब। इब तै तेरा अर तेरी बात का ध्यान राखणा पडैगा। कद तू के कहवै सै उस तै तेरी सोच का बी बेरा लाग ज्यागा।

आई लव यू की जगह इब तै मैं तन्नै भारत माता की जै लिख्या करूंगी। के पता तू बी रामदेव की तरिया संविधान तै डरता चुप हो। मन्नै अपनी गर्दन कोनी कटवानी। इबै तो मन्नै खूब जीणा सै।

चुभै तो खूब गी तेरै यै बात अर चुभनी बी चहिये। काम ए इसा करया सै तन्नै।

भारत माता की जै

तेरी कोमल ——————————————-

कोमल

तू आपणे आप नै घणी स्याणी मान्नै सै के। मन्नै सुधीर चौधरी बढ़िया लाग्गै सै तो मेरी सोच घटिया होगी। अर तन्नै रविस पसन्द सै तो तेरी पसन्द कसुत्ती होगी। चल मैं तो भक्त सूं। तू बता तू के सै। फ़ैन या कुल्लर। अक ac सै।

दो अक्षर के पढ़ लिए आपणे आप नै फ़न्ने खां समझण लाग गी। तेरी ज़बान घणी चालण लाग गी सै। डाट ले इस नै। नहीं तै या ज़बान रिश्तों नै काटती चली जागी कैंची की तरिया।

असल मैं जिसका मुंह ऊप्पर नै उठ जाया करै सै। उसनै के धरती पै कुछ दिख्या करै सै। तेरै जब ठोकर लागै गी जब तेरी समझ मैं आवैगी। उस तै पहल्या तै मैं बी तन्नै कुत्ते की तरिया भौंकता लागूंगा।

देख ले जो तन्नै ठीक लागता हो ओ कर। मेरै सूईं चुभैगी इसकी टेंसन तू ना लेवे। चुभण आळी बात तो चुभैगी। डांगर कोनी सूं। जो मेरै दर्द कोनी होवै।

आपणी इसी तीसी करा तू।

भारत माता की जै।

विशाल