देवकीनंदन अग्रवाल नै 'साहित्य रत्न’, सिलिगुड़ी में पण 'कथेसर’ विमोचित / कथेसर
| मुखपृष्ठ » | पत्रिकाओं की सूची » | पत्रिका: कथेसर » | अंक: अक्टूबर-दिसम्बर 2012 |
5 अक्टूबर नै सिलिगुड़ी रै फूलबाड़ी स्थित वसुंधरा आवासन मांय उत्तर बंगाल में हिन्दी भाषा, साहित्य अर संस्कृति रै विकास में महताऊ योगदान सारू साहित्यकार देवकीनंदन अग्रवाल नै सिलिगुड़ी युवा जागृति संघ कानी सूं 'साहित्य रत्न’ री उपाधि सूं सम्मानित करीज्या। इण वेळा श्री अग्रवाल 'कथेसर’ रै तीजै अंक रो विमोचन पण कर्यो। कार्यक्रम मांय ओम प्रकाश पांडे, डॉ. भीखिप्रसाद 'वीरेन्द्र’, 'आपका तिस्ता हिमालय’ रा संपादक डॉ. राजेन्द्र प्रसाद सिंह, दैनिक जागरण राइरफान-ए-आजम, करणसिंह जैन, चंद्रप्रकाश सिंहल, गंगाधर नकीपुरिया, ओम प्रकाश अग्रवाल, रोशनलाल बंसल अर सम्पत मल संचेती रै अलावा देवकीनंदन जी रा साहित्यिक उत्तराधिकारी पुनीत बंसल, वां रै परिवार रा लोग, मिंतर, रिस्तेदार अर कथेसर रा प्रतिनिधि भगवानदास शर्मा भी मौजूद हा। 'कथेसर’ परिवार कानी सूं अग्रवाल रै बेगा ई निरोगा होवण री कामना करीजी। कार्यक्रम में मौजूद सगळा जणां नै 'कथेसर’ री पड़तां बांटीजी। ('कथेसर’ रो ओ अंक छपतां-छपतां ई 28 अक्टूबर नैं ओ दुखद समाचार मिल्यो कै श्री देवकीनंदन जी देवलोक वासी होयग्या। 'कथेसर’ रा प्रतिनिधि भगवानदास शर्मा वां नै 'कथेसर’ कानी सूं पुष्पांजळी अरपित करी अर वां री छेकड़ली जातरा में सामल हुया।)
