रहस्य / अमरेन्द्र

• हिन्दी
• अंगिका
• राजस्थानी

अमरेन्द्र » पाकड़ पर प्रेत »

चुनाव जीततैं नेताजी धर्माचार्य लुग गेलै आरो सब तरह के समृद्धि, सफलता वास्तें आशीर्वाद मांगलकै।

धर्माचार्य नें लाल कपड़ा में लपेटलोॅ एक धर्मग्रन्थ हुनकोॅ हाथोॅ में थमैतें कहलकै, "एकरोॅ नियमित पाठ तोरोॅ यश आरो समृद्धि के दायक बनतौं।"

नेता जीं आपनोॅ दोनों हाथोॅ सें ओकरा लेलकै आरो ओकरा पर माथा रखतें, बगल में सावधान मुद्रा में खाड़ोॅ एक संतरी केॅ देलकै।

फेनू मंत्रीजीं एक सफेद कपड़ा में लिपटलोॅ एक ग्रन्थ धर्माचार्य दिश बढ़ैलके. हुनियौ हौ किताब दोनों हाथोॅ सें लेलकै आरो ओकरा सें माथोॅ लगैतें सामना के सिंहासन पर राखी देलकै।